絲絲講場：新秀麗研晶片追蹤篋
聖誕節呢個旅行旺季即將到，絲絲溫馨提示各位出門小心行李同財物。新秀麗（01910）主席Tim Parker尋日同絲絲講，話佢自己都好鍾意四周圍旅行，而且一定會用自己品牌，就當係流動宣傳。
Tim仲講咗個消息出嚟，就係佢哋研發緊喺個篋度裝個無線電晶片，用嚟追蹤件行李去咗邊，不過仍有個最大嘅問題，就係啲無線電波或者會干擾到飛機飛行，佢哋依家仲研究緊解決方法，到搞掂問題、產品面世之時，大家就唔使擔心搵唔番件行李。
主席送子來港實習
講番轉頭，依家間間公司都將焦點放喺亞洲新興市場，新秀麗亦唔例外。Tim仲爆話自己17歲嘅囝囝啱啱今年暑假喺公司做實習，都係被安排嚟香港區學習，完咗之後囝囝都話好鍾意呢個城市，覺得充滿活力同好住咁話。