絲絲以為賓卡（banker）出門都用私家車代步，原來唔係o架！邊位賓卡咁另類？之唔係星展零售銀行業務信用卡及私人貸款業務高級副總裁周邦貴（阿Ken），佢自嘲手車技術唔好，香港嘅泊車位又好窄，搞到成日刮花車頭車尾，所以好少自己揸車咁話喎。
嚟自新加坡嘅阿Ken，仲分享咗佢嘅「打的」心得，原來喺新加坡搭的士，繁忙時間收貴啲，入市區又要收貴啲，阿Ken仲話：「星期五晚Happy Hour，十一點幾無可能截到的士，搭地鐵要轉車又麻煩，有時候啲朋友約出街，都寧願留喺屋企。」
咁唔知阿Ken搭飛機嘅經驗，又會唔會好啲呢？話說星展香港推出咗個人稅務貸款，實際年利率低至2.32厘，最吸引嘅係，貸款額可以兌換飛行里數o架！假設貸款額係12萬，獲取嘅里數足夠換張機票去台灣，阿Ken透露佢都儲緊里數，唔知佢想飛去邊呢？