絲絲撥個輪畀藺Sir問吓感受，佢話：「上周日先知道Andrew要走，覺得呢個消息嚟得太突然，曾經一度出現啞口無言嘅感覺，可能因為太唔捨得佢喇！」
黃偉康對離任傷感
靈獅無咗個行政總裁，絲絲都擔心呢間公司仲能否營運落去？藺Sir就話：「依家我係靈獅嘅唯一一個行政人員，如果我走埋，公司都有可能唔做。但我同大老闆已經傾過，會接手Andrew嘅職務，所以大家唔使擔心靈獅嘅運作，我會留守大本營。」
絲絲亦聯絡上離職嘅男主角Andrew，佢嘅回應係：「我非常肯定藺Sir嘅工作表現及能力，對於今次嘅離開，我都好傷感，亦對所有同事感到虧欠，喺度講聲Sorry！希望未來我哋可以喺另一個環境有機會再度合作。」