不過，公司就否認傳聞，指佢仍維持做Ingka高級顧問嘅職位，呢間公司主要營運全球逾300間IKEA分店，佢呢個安排傳聞話係幫啲仔接班做好工夫。
交棒兒子時間未到
事實上，坎普拉德喺十年前已經話過，公司最終交由兒子打理，但相信有排至實現，皆因佢哋宣布行政總裁換人，但就唔係由其中一個仔接手，三位公子仍然喺公司擔當「更積極的公司擁有權職位」。
現任行政總裁奧爾松出年退任，由只有四十一歲嘅瑞典主管Peter Agnefjall接棒。坎普拉德嘅三個兒子都係四十幾歲，分別喺採購及零售營運部門、Ingka及擁有IKEA特許經營權嘅公司Inter Ikea任職。