單據失蹤 填數了事
對於間新能源公司，金占士知佢上市前換過投行，據聞當時負責嘅投行高層發現問題，首先間公司產品主要出口到歐美，但老闆竟然好多業務都唔知，又話無睇歐美業務。
投行睇盤數發現當中有六至七項，只要讀過吓會計就知不合理，但又無法親身去當地核實。
另外，仲有一啲問題交易，例如有一張大單，管理層竟然話冇留低單據，結果公司自行存入現金平咗條數就算。
後來，間投行開會之後，因為驚出事就退出，由另一間外資投行接手。
另一間做紙品嘅，據講條數睇完好正常，但交畀有經驗嘅老手，就發現當中有不合理地方，金占士唔可以寫得太白，但業績公布後就現形。
金占士