Rose話，佢以前喺滙豐嘅環球銀行資本市場部門工作，較專注香港同內地嘅大型企業客戶，例如係幫國企做收購合併、融資方面嘅財務顧問之類。
掌握經濟脈搏覺新鮮
轉到恒生銀行之後，較多接觸各行各業嘅中、小型企業。恒生係本土銀行，Rose話佢依家嘅工作同香港社會嘅實體經濟，即係衣食住行息息相關，例如做按揭業務幫人買樓，而講到信用卡消費時，Rose就話最近打工仔加咗人工，銀行亦見到消費額增加，可以直接掌握香港經濟脈搏，「對我嚟講好新鮮﹗」
席上傳媒又多次追問Rose，會唔會喺恒生內部培養接班人，佢就強調會向住呢個目標努力，又笑住咁話：「我只係接任兩個月啫，畀多少少時間我先啦﹗」