絲絲講場：永隆銀行為「老友記」請命

話說絲絲喺現場見到永隆銀行按揭及私人貸款中心主管蔡爾全（Robbie），原來佢間寶號有個展台，向長者介紹多項金融服務，仲同副總經理張東一齊視察現場添。

冀擴安老按揭用途

「老有所依」嘅社會責任，銀行界都有承擔o架！永隆銀行嘅安老按揭計劃，至四月三十日已經批出咗40宗，而且獲批嘅「老友記」都可以提取現金，Robbie就希望計劃嘅一筆過貸款，可以唔設定目的要求，增加貸款嘅用途，而香港按揭證券有限公司發言人都話，希望放鬆計劃嘅年齡門檻，緊貼香港人提早退休嘅趨勢。

計劃嘅廣告發言人朱翁朱維德，今日下午會到現場，同長者共聚同主持抽獎，而Robbie聽日亦會舉行講座，推廣全面長者金融服務，銀行真係幾有「老友記」心喎。