Scoach班高級管理層近日由德國飛咗過嚟香港，佢哋位CEO就透露咗曾嘉莉加盟做佢哋嘅顧問呢個消息。絲絲尋日搵曾嘉莉求證，佢話確係會過去，Scoach想搵一個熟悉香港窩輪市場嘅人，幫手教育經紀同埋投資者，仲好謙咁話希望幫到手。
網站研討會搶攻輪場
Scoach雖然來勢洶洶，但就好注重投資者教育及訓練，佢哋即將正式推出網站，且有齊英文、繁體中文同簡體中文版本，夠晒方便，提供即時買賣行情畀投資者，提高透明度；佢哋話仲會舉辦研討會，以廣東話進行，總之就要迎合本地投資者需要；又會為員工提供訓練。呢啲工夫，對曾嘉莉嚟講，應該駕輕就熟啦！