郭樹清接任中證監主席嘅幾個月內，已經推出多項股市改革措施。原來，呢啲組合拳背後，有好多係來自投資者同證券業界嘅建議。
極速回應業界建議
有官員私底下透露，郭主席時不時都會睇投資者嘅來信，有時仲會親自回覆o架。以前一件事討論兩三年都可能冇結果，依家業界上個月提出嘅建議，今個月可能就已經寫咗入正式文件，你話佢幾咁重視業界嘅意見！
郭樹清同時都係一個立場明確嘅人。市場傳聞，內地基金界一哥王亞偉早排就因為發表唔多睇好銀行股嘅論調，畀郭樹清喺閉門會議度直斥「不懂銀行」。搞到有人估王亞偉最近辭職，係因為失咗管理層歡心添。