快將榮升做靚媽嘅法巴上市衍生產品部董事郭小菱（Shirley），愈嚟愈緊張，皆因佢嘅BB囡預產期就係喺五月中。佢好幸福咁話，到時老公Tommy除咗會陪入產房見證「愛情結晶」出世之外，仲會親手剪臍帶添！
不過，跟住Shirley又笑言：「我聽啲朋友講，話BB條臍帶都幾難剪，所以第一剪都會由醫生操刀，第二剪先留番畀Tommy！」
五月中好近母親節，BB喺五月中出世，對Shirley嚟講，真係好有意義，唔知BB趕唔趕得切同Shirley慶祝母親節呢？
Shirley仲向絲絲透露，已經幫BB囡改咗英文名，叫做Maya，中文翻譯就係「瑪雅」。囡囡喺五月出世，絲絲以為係同五月份──May有關，原來係絲絲搞錯咗。Shirley話：「以前我讀書嘅時候，有個3D嘅電腦軟件就係叫做Maya，嗰時我已經好鍾意呢個英文字o架啦。」哈哈，真係估佢唔到喇。不過，佢同好多媽咪都一樣，希望幫BB記錄晒成個成長過程，好似依家咁，佢就會定期自拍大肚照喇！
余詩韻