名畫及投資專欄任睇
絲絲用落先知，原來永隆私人財富管理App係無得管理自己戶口，但係就可以睇名畫，例如當代畫家趙無極版畫《樂曲no.401》等大作，仲可以睇埋永隆理財團隊寫嘅投資專欄。
絲絲一問之下，永隆公關話，原來個App設計就係想客戶用落，好似置身藝術館咁，唔同其他銀行用生意角度嚟設計。絲絲認為方向都幾正確，因為App入面有永隆私人財富管理電話，「有銀士」打個電話，自然有人服侍。
其實永隆都好鍾意搞生活品味嘅產品吸客，舊年先推出紅酒貸款，今年又大搞私人財富管理中心，睇嚟今年傳統貸款需求少咁多，都係要幫客做番多啲財富管理開源喇！