呢排都係日做夜做冇停手，仍然係過住不停開會、睇報告、睇公司嘅日子！出外走訪各地，又要訂機票又要訂酒店，旅業興旺真係有佢原因！
香港中旅（00308）主要業務經營旅行社同相關業務，大家日常接觸到嘅酒店、旅行團去嘅唔同景區、想度假時要嘅度假區、機票客運、去高爾夫球會所嘅花費同演藝娛樂等等，中旅都有經營類似業務！集團嘅旅行社同相關業務包括香港中國旅行社有限公司（香港中旅社），大家都耳熟能詳！
中旅社嘅海外分社同旅遊電子商務平台芒果網，近年知名度亦不斷提高。由於人民幣不斷升值，令內地同胞非常踴躍去香港同澳門旅行，港、澳五間酒店嘅收入都獲得顯著增長。以酒店經營效益去睇，客房平均出租率係91%，平均房價856元，真係客似雲來。
集團嘅景區業務包括深圳世界之窗、深圳錦繡中華、港中旅（登封）嵩山少林文化旅遊及其他景區投資，二○一一年景區業務收入為8.81億元，增長24%，可見集團嘅景區生意都非常受歡迎！
世界之窗嘅購票人數增長20%。當中投入服務嘅動感影院項目「飛躍美利堅」，令遊客數大增，同時調整票價，更進一步推動人均消費數目增長。不停舉辦宣傳活動提升自己嘅品牌，尤其成功幾次把握唔同嘅節慶，持續不斷拓展市場。集團現市盈率只是約13倍！繼續追蹤、出發！
香港大學電子金融服務榮譽助理教授 徐燦傑