點解堂堂業務主管做埋啲客戶服務（CS）熱線嘅工作？Nixon話希望以身作則，鼓勵下屬要用心聆聽客戶嘅需要，讚賞同批評都要虛心接受云云。
絲絲非常好奇個客戶嘅意見有乜咁厲害，要勞動Nixon親自處理，不過Nixon點都唔肯講，咦！Nixon連CS最緊要保密嘅基本守則都知喎。當然啦，Nixon以前做企業銀行時，有咩大客未見過吖，相信個老客戶應該會好滿意Nixon嘅處理。
放大假 遊青島
Nixon話，以後假如有時間，都會主動多啲接觸客戶；不過恒生嘅客仔呢排又唔好太大期望可以同Nixon親自對話，因為嚟緊Nixon會放大假，仲會趁機去青島玩番幾日添。