花旗舉辦慶祝活動，無非都係想慰勞吓一眾女士，個活動喺首爾同悉尼開始，喺墨西哥、紐約同哥斯達黎加聖荷西結束，都可以算係一單「世界性」盛事！
請嚟兩位阿姐分享心得
而喺香港，集團就請咗兩位阿姐級人馬，同員工分享經驗：香港乳癌基金會創會人張淑儀醫生分享咗佢嘅健康心得，極地博物館基金創辦人李樂詩仲分享咗佢嘅成功之路添。
花旗集團行政總裁潘迪特（Vikram Pandit）話，花旗好重視女性員工嘅領導才能同貢獻，梗係啦，分布喺全球130多個國家嘅花旗集團，女性員工有14.2萬人，集團有55個婦女小組，真係「每個成功集團嘅背後，都有能幹嘅女人」！