米高德格拉斯「反貪」
米高德格拉斯當年飾演洗黑錢嘅Gordon Gekko，以「貪婪係好嘅」（greed is good）一語道出金融業嘅「金科玉律」，到依家觀眾仲係印象深刻。喺現實生活中，FBI打鱷工作未停過手，自從○七年以代號「完美對沖操作」展開大規模打擊行動，佢哋可以勾線攞到對沖基金經理與分析員、企業內部人士同埋顧問嘅對話，結果上年成功將對沖基金經理拉賈拉特南收監11年，轟動整個華爾街。
FBI拍宣傳片除咗請到米高德格拉斯外，亦搵到現實中嘅交易員同埋芬佬，希望加強阻嚇，估計會喺美國有線電視頻道同埋新聞時段播放。FBI日前首度披露正調查涉嫌內幕交易嘅人數為120個。