期指觀瀾:空軍轉軚挾升機會微

上周四美股受就業市場數據帶動,道指向13,000點的四年高位推進,但上升動力明顯放緩的港股,上周五並無追隨,全日高低波幅得176點,低位21,292點,雖然一度跌穿10日線21,318點,尚幸午後A股愈升愈有,帶動恒指轉跌為升,惟整個星期埋單計數跌86點,終止了連續七個星期的升勢。

回顧上星期,即市炒賣空間十分狹窄。到底今次是旗型整固後再上,抑或大戶高位派貨後回落,相信未來兩三日,在結算前後將會水落石出。

有朋友提出,二月上旬恒指也曾受制於250日線,在21,000點水平糾纏多日才發難,但上星期大市沽空佔成交比例,持續在偏低的水平,平均只有7.15%,反映連睇淡的基金亦開始轉軚,至少不再積極沽空,反觀二月兩次突圍,事先都見沽空比例先抽升至8.6至9.7%水平兩三日,才出現挾空倉活動,基於短期利好消息炒得八八九九,除非未來幾日再見到沽空比例向上,否則短期要再挾的機會相對減低。

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!

John Mullen