點解「揀好老公」貼士只係畀同事，而唔益吓絲絲？William鬼馬咁講，佢之前喺恒生時，講咗幾句金句畀同事，叫大家構思新意時要「簡簡單單、好好睇睇、老老實實、公公道道」，抽起第一個字，就係「簡好老公」啦。呢四句唔係講笑，William以「簡單」為例，話推銷產品最重要係容易賣兼唔會出錯，否則啲職員難明、啲客仲難明，大家都無好處。
返新工首先固本培元
喺恒生打咗工十七年，William話一下子轉嚟新鴻基，的確有些少壓力，目前首要嘅任務係要「固本培元」，搞好內部監控同團結上下，道理一樣好簡單，人要跳得高，首先要蹲下來，咁可以較易發力，所以內部事務一定要先搞好。