絲絲講場:梁永祥教同事「揀好老公」

前恒生銀行(00011)執行董事兼個人銀行業務主管梁永祥(William),上年八月份辭任恒生後,休息咗幾個月,上個月正式過檔新鴻基金融做行政總裁。尋日情人節咁好日子,佢都留番個中午飯時段,約埋一班老友敍舊,席間佢仲醒班同事「揀好老公」嘅貼士。

點解「揀好老公」貼士只係畀同事,而唔益吓絲絲?William鬼馬咁講,佢之前喺恒生時,講咗幾句金句畀同事,叫大家構思新意時要「簡簡單單、好好睇睇、老老實實、公公道道」,抽起第一個字,就係「簡好老公」啦。呢四句唔係講笑,William以「簡單」為例,話推銷產品最重要係容易賣兼唔會出錯,否則啲職員難明、啲客仲難明,大家都無好處。

返新工首先固本培元

喺恒生打咗工十七年,William話一下子轉嚟新鴻基,的確有些少壓力,目前首要嘅任務係要「固本培元」,搞好內部監控同團結上下,道理一樣好簡單,人要跳得高,首先要蹲下來,咁可以較易發力,所以內部事務一定要先搞好。

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!