港股繼續窄幅上落，恒指喺20,500至21,000點水平已橫行九個交易日，若然尚未能以大成交向上突破，須提防出現一次較大幅度的回吐。
尋日指數維持喺高位運行，全靠本地地產股支撐。事實上，唔少人都在等待樓價回落入市，經驗相告人人預佢落佢又偏偏唔會落得幾多。再講，通脹難以大幅回落，租金亦難落，加上低息環境持續，與其揸現金等貶值，物業投資仍為保值之選，若然上半年樓價不跌反升，地產股確有條件發力追落後。
信和置業（00083）一向是樓市大好友，上月下旬股價上過13.16元後回落，惟一直守穩20日線之上，昨日曾高見13.2元，收報13.1元，短線確認突破上月高位，目標可上移至14至14.5元，20日線支持在12.5元。