期指觀瀾：升穿20606要追買

昨日市況，對即市炒家而言可算兇險到極，午市前期指仲係窄幅上落，午後試了即市低位20,265點，好友借A股微升收市，展開攻勢，兩點十五分開始，期指由20,307點起步一直無回頭，挾到全日高位20,514點，但期指最後半小時倒過來出現free falling，而且，當時歐股期貨開市微升，假如把持不定追買，將無法避免左一巴右一巴的情況。

睇番昨日現貨主板成交唔細，有731億元，從不相信坊間「場外期指」結算影響大市的無稽之說，預料恒指較大機會回試10日線19,908至20,000點關口水平，偶然出現的冚淡倉活動，可以在極短時間內出現及完成。

未有倉者，較審慎是確認期指再穿20,503點及上星期高位20,606點才追買，但假如昨日低位20,265點始終未肯再穿，想趁調整偷位試沽的要小心，昨傍晚執筆時，歐債息再度回落，歐股經前日調整也再展升浪，或者恒指今次真有意外驚喜，直攻巨型裂口21,018點。

John Mullen

地產網大革新，即睇最新樓價走勢、最全面地產新聞及筍盤情報！

「Money18免費即秒股票報價網站」現推出8升級功能，財經資訊，實時實發!

Money18更多即時港股指數資訊