公司指收購價合理
絲絲睇番啲資料，合興近十年來，除咗間中分派過紅股之外，從未有派過息。不過，睇嚟小股東都有排等，除非吉野家牛肉飯忽然大賣，點解絲絲咁講？之唔係個收購代價細節，大股東持有嘅可換股證券每年可按本金分派3.5%，即係話如果大股東全部冇換過股，每年就會收到1.2億元。
嘩！呢個數字已經等於收購業務截至舊年六月底12個月盈利嘅90%，咁你話公司仲有剩低幾多餘錢派息畀小股東呢？即將成為合興行政總裁嘅洪明基就解釋話，呢個收購價係經過獨立審計得出嘅合理價，唔認為係明益大股東，至於幾時派息，都係呢句「要視乎公司未來發展及資金需求咁」，所以話小股東們惟有希望「放長線釣大魚」喇！
余絲韻