絲絲講場：友邦謝佩蘭體重大牛市

佢話喺當地歎咗好多靚和牛、牛扒，返到香港就重咗10磅；Bonnie起初都唔敢相信，仲特登走去買個新嘅電子磅，點知結果都係一樣，所以Bonnie惟有努力減肥，晚餐食少啲，盡量食番魚同蔬菜，話咁快就已經完成一半目標。

公司贈品暗中宣傳

Bonnie尋日攞住個好靚嘅iPhone保護殼，佢話係公司嘅出品。原來佢話好怕公司啲紀念品太Hard Sell（硬銷），例如環保袋印住大大個公司名，咁未必可以吸引客戶使用，仲造成浪費。設計呢個iPhone保護殼時，係專程搵人設計，驟眼睇好似無乜特別，但留心啲就會發覺個「福」字，其實由「AIA MPF」（友邦強積金）三個字組成。