絲絲講場：陳偉思過檔星展管按揭
星展香港嘅鍾少權（Derek）自從轉咗做豐盛理財及分行網絡主管後，大家都好期待，究竟邊個會接手睇星展嘅存款同抵押貸款呢？答案日前終於揭曉喇，大新銀行（02356）前產品及市務部主管陳偉思（Vivian）已經過咗檔，擔任零售銀行業務存款及有抵押貸款高級副總裁一職，喺啱啱上星期開始返新工。
睇開零售銀行業務
近年星展嘅按揭業務發展得有聲有色，個盤亦都唔細，花咗Derek唔少心血，接棒人或多或少都會有啲壓力。不過，絲絲對Vivian好有信心，因為Vivian都有睇開零售銀行業務o架，而且過往喺大新工作咗咁多年，對本港市場亦都相當熟悉，相信接手難唔到佢嘅。
其實舊年星展都有唔少人事調動，原本睇分行網絡嘅馬婉蓮離開星展，負責信用卡同私人貸款嘅洪滿霜就調咗去新加坡，睇晒星港兩地業務；絲絲收到風，接替洪滿霜喺香港職務嘅人選亦已經上任，不過今次唔係覓外援，而係內部提升。
余詩韻