聯交所嘅股東權益資料顯示，原本由蔡氏家族控制嘅裕元股權，重組後由董事長蔡其能同埋兩位第二代蔡乃峰（裕元董事總經理）同蔡佩君共同持有，蔡氏為下一代接班布局浮上枱面。
二代學習範疇各異
講開蔡佩君，佢其實係蔡家第一代老大兼寶成集團總裁蔡其瑞嘅大女，早前佢以「總裁助理」嘅身份，獲委任去到裕元同寶勝國際（03813）出任董事，學習公司業務。
蔡乃峰則係蔡其瑞嘅姪仔，佢好早已跟住三叔蔡其能，學習管理零售網絡。
唔好以為「富二代」接班係好容易，絲絲據聞，總裁大女蔡佩君做咗「總裁特助」個位已經長達九年，財務、廠務，投資都會親身投入，每個月仲要同董事局成員開會。所以學富二代的名言話，成功係需苦幹嘅！