任志剛眼中的財金人物
格老 伯南克 目標一致 降價格增供應 美國經濟毫無起色，市場對「兩老」煲貶不一，有人歸咎於聯儲局現任主席伯南克，揮出板斧不夠快，不及前主席格林斯潘。任志剛不認同市場說法：「大家做嘅嘢可能一樣，目的都係降低價格，增加供應，個個都會係咁，唔係因為個人對件事有幾大分別」，他又讚揚學者出身的伯南克整體表現不錯。
學朱鎔基 鞠躬盡瘁 但唔死而後已 李香琴電視劇金句：「唔使驚，嫲嫲喺大廳」，任志剛退休時，網友把金句改為「唔使驚，任總喺大廳。」，以示對任總肯定。任志剛則引用國務院前總理朱鎔基退休時的名言，否定再做全職工作。「朱鎔基總理講過『鞠躬盡瘁，死而後已』，我可以『鞠躬盡瘁』，但『死而後已』做唔到，因仲有仔女，有老婆，又有孫，如果我做會做死o架，我呢啲做嘢方法，撼頭埋牆，會撼死架」。
啟蒙老師夏鼎基 教曉有理論基礎好重要 任志剛一直強調着重理論基礎的重要性，有些政策對市民有短暫痛楚，只要有理論基礎，在政策受到挑戰時，才可站穩陣腳，避免政策朝令夕改。這個理念，源自七十年代的財政司，亦即任志剛的啟蒙老師夏鼎基。「幾十年前，夏鼎基講咗四個半鐘頭財政預算案，絕大部分時間講理論基礎，你嘗試吓依家咁樣，你估會捱得幾耐呢？唔同世界喇！」