上星期新iPhone開賣，大批果迷或炒家排隊四日買手機，已經上了幾日報紙新聞。不過，在果舖所在同一個大型商場內，同樣上演一個人山人海場面，就係大批地產經紀在商場內外兜售新樓盤。同一個地方，有人排長龍求買，又有好多人求售，形成一個奇景。
坦白說，果舖進駐這個商場之後，真的永無寧日。人流增加已是必然，但也無可厚非。可是我不明白為何三朝兩日就會引來過千人排隊，人龍往往佔據商場外的行人天橋，商場內外環境真的比以前差。
言歸正傳，有些東西買家排長龍，有些東西賣家求人買，這就是供求失衡。捕捉供求失衡的機會來獲利，人人都識講，但唔係人人都發達。往往由於供求失衡的現象可能一瞬而逝，變化極快，一個不留神就損手爛腳。對沖基金不會炒iPhone自然因為流通量不足，不足以支持龐大資金炒賣，更重要是供求情況難以捕捉，因為生產商有權主導供應，而且透明度低。相反，一個國家的貨幣供應，透明度高得多。
講番個市，如果用散戶一向的思維去理解，歐盟就像是市場上的「大戶」，把環球金融市場舞高弄低。在歐債危機的解決方案拖拖拉拉下，過去一個月恒指都在萬九點至兩萬點上落，如果這個現象持續，賺錢似乎好容易。
大健，財務碩士畢業，投身財經記者行列數年，之後無論轉職歐資投行，抑或現任職英資金融機構，始終情繫中環，相信各有前因莫羨人。
微博：http://t.sina.com.cn/taikin
大健