喺應對金融海嘯這股巨浪上，美國總統奧巴馬同財長蓋特納一向被外界認為係對最佳拍檔，但大家都可能被真實蒙蔽，有傳在重建美國主要銀行議題上，雙方並不合拍。
由普立茲獎得主蘇斯金特（Ron Suskind）撰寫嘅新書將出版，據講書中完成了200個訪問，當中包括訪問了奧巴馬，而在訪問中，披露蓋特納喺考慮將花旗銀行解體一事，同向那些背負「毒債」嘅銀行需否繼續進行壓測上，並沒有聽從奧巴馬嘅指令，揭示咗奧巴馬同蓋特納喺處理金融海嘯問題上，唔係咁水乳交融。書中不只揭示上述一單事件。根據蘇斯金特在書中描述，上述事件僅屬其一。
對於這件事，奧巴馬在書中並沒有加以否認，但並沒有披露當佢發現蓋特納無按指示做時，佢向蓋特納曾經講過啲咩嘢。書中其後引述奧巴馬回應話，官僚機構的行動較佢所想嘅為慢。蘇斯金特在書中又指出，奧巴馬接受對佢行政失誤嘅責備，又稱重建金融系統相當複雜。如果處理欠佳，會導致危機加深。絲絲心諗，金融海嘯真係幾複雜，總統同財長喺處理手法上出現差異實不足為奇，應可以理解嘅。
余絲韻