創辦人畀老婆做主席
話說昨日內地男裝鞋商動感集團開記招，講解佢哋來港上市招股嘅詳情。有靚女記者睇完招股書後，好奇咁問：「為何行政總裁張文彬先生創立了公司後，反而讓妻子蔡秀滿女士來充當主席呢？」張總呆一呆然後話：「都是一家人嘛！」公司嘅首席財務官陳元建就打圓場話，其實公司係張總兩夫妻共同創立的，早已無分彼此了。
跟住，當陳總解釋公司嘅品牌優勢時，陳總又再講，其實專注做男裝鞋有一個好處，就是男性的品牌忠誠度，一般都比較高，所以一旦揀咗動感個品牌，就會一直都要買番動感。
絲絲突然喺度諗，中國人常以「鞋」來形容另一半，唔通陳總又借勢讚下張總，讚佢夠忠誠。果然夠「哥們」！
余絲韻