Apmex交租畀黃金抵押
地產大亨特朗普旗下大把樓收租，近排新租客貴金屬交易商Apmex租咗特朗普喺華爾街40號嘅大樓，就留低咗17.6萬美金嘅保證「金」，作為佢哋租十年嘅保證金，無錯，唔係支票亦無銀紙交易，而係從未試過嘅三大舊嘅黃金，至於點解要係咁嘅方式，特朗普一如以往嘅答案：「全都係因為奧巴馬」。
抱怨奧巴馬唔撐美元
雖然佢唔抗拒收黃金當租金，但就話，若有大型企業話開始要用黃金去代替貨幣嘅時候，係非常悲哀，佢又話，依家經濟咁差，奧巴馬又唔保護貨幣，猛印銀紙，搞到美金唔值錢。一直盛傳特朗普有意角逐下屆美國總統，若果真係嘅話，唔知佢嘅政綱會唔會集中火力，幫美元重振聲威呢？
余絲韻