恒生增辦羽毛球賽
徐振文話，今年特別新增「恒生團隊盃」羽毛球賽係回應員工需求，比賽項目包括隊際賽、男子單打、女子單打及親子賽。比賽當日有超過300位員工及家屬參加，徐振文到場與陣容強勁嘅啦啦隊為參賽者打氣，擔任頒獎嘉賓，又即席與冠軍球手切磋。
本身熱愛運動嘅徐振文話，唔單只同事嘅戰況激烈，由部門派出嘅啦啦隊實力都唔弱，真係體現到部門及同事間嘅團隊精神。
絲絲認為員工要求有羽毛球比賽相當合理，依家香港好多人鍾意一家大細放假打羽毛球，OL更加鍾意放工去打幾板當Keep Fit，據聞康文署最難Book嘅場就係羽毛球場，皆因唔受天氣變化影響。
余絲韻