絲絲講場：曼聯商務總監來港齋講品牌不談上市
盛傳即將嚟香港上市嘅曼聯，佢哋嘅商務總監艾利昌尋日來港會見財經傳媒，作為半個「粉絲」嘅絲絲，仲以為佢點都會講吓上市大計，點知最終唔係呢回事，原來佢最想講嘅係「一個成功品牌係如何打造」嘅哲理。
商業贊助突破一億鎊
講開又講，好多人都知曼聯係全球最具商業價值嘅球會，全球嘅「粉絲」數目超過3億人，其實曼聯喺搞品牌方面確係有一手，艾利昌話佢哋好強調歸屬感，會推出好多適合當地球迷嘅本土推廣計劃，令球迷有與球會共同經歷嘅體驗。曾經有調查反映，一個商業品牌與曼聯合作後，利用曼聯品牌推廣產品嘅吸引力，竟然比起以自己品牌推廣高出近3倍，唔怪得曼聯可以成為首家商業贊助突破一億英鎊大關嘅足球會喇。
余絲韻