今年初的劉志軍事件令鐵路股蒙上陰影，廣深鐵亦一度跟隨下跌，但隨着公布首季業績理想，錄得純利4.18億元（人民幣‧下同），按年升48%，反映業務增長強勁，股價回升，上周五收報3.15元。
財政上，廣深鐵首季手頭淨現金就由去年底的26億增加至37億元，每股資產淨值3.47元，約等於4.1港元，現價折讓達23%，市盈率亦只係12倍，估值吸引。
唔止咁，廣深鐵仲有注資憧憬，市傳母公司計劃向其注入總值千億元的三省鐵路資產，仲話今個月內會落實，真係話咁快。大市兵荒馬亂，廣深鐵穩陣得嚟仲隨時有意外驚喜，真係唔怕買番啲，目標睇3.6港元，止蝕3港元。
詩詩