有個小朋友問我：「點解青蛙識飛？」我反問：「吓，青蛙幾時識飛？」小朋友理直氣壯說食了烏蠅所以識飛，再追問點解老鼠識飛，我已經無興趣回答。小朋友再說：「因為食咗青蛙囉！咁點解麻鷹識飛呢？」我忍不住搶答：「食咗老鼠」。小朋友哈哈大笑話「你咁蠢。」
麻鷹為何會飛，這是常識，我又怎會唔識答。我答錯不是沒有常識，我變蠢只是被誤導，跌入了一個與違反常識的邏輯後，一時間走不出來，忘記了最基本的知識。
無可奈何，在投資市場往往有很多把戲，帶你進入反智邏輯的世界。舉個例子，港股「五窮、六絕」，恒指近日失守250天平均線，有人話失守「牛熊分界線」，熊市重臨，港股有排跌。跌穿250天平均線是代表今日股市比過去250天平均數還要差？還是代表市況還要持續向下？如果是後者，那麼一旦跌穿250天平均線便萬劫不復，低於此線反映再跌，豈會再有回升之日。
講到這裏，你一定反對。你會說股市跌得多就會反彈。你又會說股市有周期，有跌總會有升。你又會說股市最終要回歸基本因素，要看經濟、息口和企業盈利。到底麻鷹為何會飛，你一定懂得正確答案，不過當你接受了老鼠識飛因為食了青蛙，有些基本知識便忘記得一乾二淨。
看到這裏，你心裏不會再帶着一個疑問：「點解麻鷹識飛？」小朋友話：「因為有對翼囉！」
大健
大健，財務碩士畢業，投身財經記者行列數年，之後無論轉職歐資投行，抑或現任職英資金融機構，始終情繫中環，相信各有前因莫羨人。
微博：http://t.sina.com.cn/taikin