孖妹缸湖遊：「天使投資」聚焦神州

簡單啲講，「天使投資者」（Angel Investors）係協助初期資本比較短缺，感到創業困難嘅新公司，佢哋會直接提供創業資本（即風險資本（Venture Capital）），扶持呢啲具發展潛力嘅公司逐步成長，繼而邁向上市嘅重要階段。如果孖妹有一對「天使之眼」，平時抽新股可以揀中呢啲增長潛力勁爆嘅公司，咁就發達喇！

剛加盟致富集團成為董事嘅劉曼虹，本身係中國人民大學風險投資研究中心主任，亦係中國天使投資協會主席，佢坦言睇好未來10年中國經濟增長發展，又指內地嘅創投企業多不勝數，當中仍以投資資訊科技行業為主，咁唔通未來啲科技股仲大把運行？

劉：致富集團董事劉曼虹

內地科網發展空間大

祺祺： 點樣證明中國經濟發展今時唔同往日？睇吓內地有愈嚟愈多企業來港上市就知喇！

　劉： 內地改革開放三十多年以來，經濟發展愈見快速進步，中央政府亦允許民眾能夠擁有屬於個人財產，因此造就不少人投身創業，從而增加財富；而且中央亦十分鼓勵創業，例如會積極提供融資及政策放寬等方法。現時內地的創投企業多不勝數，但大多數是I.T科技網絡行業。

高妹：我知道騰訊（00700）、A8電媒音樂（00800）、阿里巴巴（01688）上市之前都曾接受「天使投資者」嘅幫助，不過喺內地做科技網絡嘅公司已經好多，呢個行業真係仲有發展空間？

　劉： 科技的宗旨就是創新精神，永遠都講求推陳出新，只要你有創意，就可以生存下來。舉例說，早期騰訊跑出來，它已經這麼厲害，但之後嘅競爭者變得愈來愈多。正如雅虎（Yahoo）之後有谷歌（Google）一樣的道理，科技創新就是這樣發展下去，我覺得內地的科技網絡發展空間還是很大。

創神話靠優良管理層

祺祺： 如果○四年騰訊上市時，我就有「天使之眼」發掘呢隻爆升股，今日我個荷包就「和味」喇。

　劉：其實投資創投跟投資股票差不多，當中會有很多標準去讓你做分析，不過選擇創投企業的重點是「投人不是投項目」，即是你要信任那個企業負責人不會拿了你錢就跑掉，另外他亦要具備人生經歷及管理、執行能力。若有最好的創意，最後卻不能實質執行，這又有何用？所以投資創投只要選對一流的人才，不要二流的項目，厲害的人才自然有能力化腐朽為神奇，我相信選好股票就是你要懂得選擇優良的管理層。

高妹：我知道你亦好熟悉「綠色經濟」，之前日本發生輻射事件，近期台灣又爆發食品塑化劑危機，唔單只搞到人心惶惶，仲搞到地球愈嚟愈多病毒，唔知你有乜嘢睇法？

　劉：說起來，我的母親是出生於富裕家庭，那個年代的有錢人只要一賺到錢，第一件想到的事情就是去購買糧食。不過，現在中國經濟增長保持向好勢頭，大部分中國人的生活質素已改善了很多，甚至擁有自己的財富，因此他們已不再擔憂食物的問題，反而是更加看重個人的健康，因此我覺得未來發展綠色經濟是必要的，例如是太陽能、風力及水力發電。雖然日本爆發核能危機，現在中國亦暫時停止核計劃，但長遠來說，核能發電的成本較低，而且供應龐大又穩定，要放棄它還是存在難度。

拓綠色經濟揀潛力股

祺祺： 雖然我都認同再生能源股未來一定大有所為，不過依家去投資，要等到呢啲股份發光發亮又好似耐咗啲喎！內地人咁着重身體健康，佢哋對醫療及藥物嘅需求咪好大？

　劉： 中國人常說有危就有機，其實綠色經濟的重點是既可環保，又可發展，更可賺錢。你也說得對，現在內地人對健康有兩個看法，第一是要「少生病」，第二就是「得病了要怎麼去治？」因此環保工作很重要，空氣不好，水質不好，食物品質出問題，這些都會影響人的健康，所以我看好跟環保、醫療及藥物行業有關的股票。

高妹： 講開環保及健康，其實內地都成日爆出食品加工污染問題，如數年前蒙牛乳業（02319）就曾因三聚氰胺事件而令到股價暴跌，所以我哋揀食品股時要特別小心。

　劉： 之前日本發生核輻射，大家都擔心食物會有問題，有學生發了一個很好笑的短訊給我：「我們才不怕呢，我們都是受過訓練的，都嘗過毒牛奶、毒雞蛋或其他，身體已經有抗體了。」

高妹：哈哈，真係好笑！不過我都係想自己身上有「唔輸錢」抗體多啲囉！

79%散戶不會抽Prada

意大利名牌新股Prada（01913）將於本周展開招股，該股具有國際奢侈品牌概念，惟招股定價較進取，市盈率高於同業，你會認購嗎？據今期《東方產經》網上民調截至上周末晚上6時嘅結果顯示，21%散戶話會認購，其餘79%人就話唔會。

高妹、祺祺

若有料報畀高妹同祺祺或有嘢問，可電郵money.biz@opg.com.hk