「圍棋十訣」好啱用
但根據摩根資產管理董事總經理兼亞洲定息投資總監張冠邦嘅講法，基金經理就唔易做嘞。話說摩根資產管理○九年搞咗個「大學生模擬基金經理大賽」，備受好評後，二○一○年就「食過翻尋味」，尋日仲搞咗個頒獎禮。
席上Stephen（張之洋名）就話，做基金經理唔能夠齋計數，仲要識心理學、市場學，幾乎係「通識」。酷愛圍棋嘅Stephen，仲話唐朝人王積薪所創嘅「圍棋十訣」，非常適合基金經理及投資界應用，更特別提到不得貪勝、入界宜緩、攻彼顧我及慎勿輕速等四項。
絲絲簡單睇咗一下呢十訣，雖都是些宏觀嘅大道理，但「未思進、先慮退」嘅思維方式，似乎頗適合作為坊間的投資原則。
佘絲韻