詩詩二月份時曾經作出推介的潔淨能源股新天綠色（00956），當日股價在2元水平，之後表現對辦，昨日收報2.62元，較當日累升達三成。
股價升勢強勁當然有原因，因期間集團先後公布的一○年度全年及今年首季業績，均錄得理想表現，去年全年盈利按年增長68%，至2.79億元（人民幣‧下同），而今年首季純利1.33億元，更按年升1.66倍。再睇埋過去四個年度，集團盈利一直持續大幅增長，由○七年的2,547萬元人民幣，增至去年的2.79億元，複合年增長率高達120%，表現相當驚人，絕非一啲上市業績就走樣嘅新股可比。
集團去年每股盈利0.146元（港元‧下同），現價市盈率18倍，而根據其業績表現，今年全年盈利翻一番亦唔出奇，即預測市盈率得9倍，實在超值，日前更被納入大摩MSCI中國小型股指數，身價可望進一步提升，即使以12倍的極保守標準計，股價都已經可見3.5元，止蝕價定於2.4元。
詩詩