有「宇宙最強」之稱嘅國際武打巨星甄子丹，早前斥資1,620萬元買咗區內新興工業大廈一個中層戶；另外，公仔箱花旦宣萱就小試牛刀，以200萬元購入甄沾記大廈一個迷你單位。
子彈創作斥資1620萬
以往唔少藝人都有買「磚頭」保值投資嘅習慣，唔知係咪由於政府之前出招加重住宅炒樓成本，有唔少資金轉投工商舖市場，而黃竹坑區無論喺整體環境、對外交通方面都有優勢。甄子丹與老婆汪詩詩一同出任董事嘅子彈創作電影有限公司就買入新興工業大廈16樓01室，聽講呎價約3,400元，算係幾進取嘅價錢；至於有買豪宅經驗嘅宣萱，亦細細注買入甄沾記大廈8樓B單位。究竟佢哋係長揸抑或短炒，就要拭目以待嘞。
余絲韻