絲絲講場：嘉能可CEO一個故事悟出財路

Ivan入行原來要追溯到讀書時，當年佢仲係一個讀緊會計嘅後生仔，有次佢睇到一個案例：一個生意人喺南美洲Source一啲蠟，然後賣去日本賺錢，佢只坐喺公司打電話就運籌帷幄，將啲貨送到各地賺錢。Ivan當時覺得不可思議，令佢覺得呢行實在好有趣，於是大個仔後就加入做貿易及幫客做Sourcing業務嘅嘉能可。

今次嘉能可上市令投資者最緊張嘅，係啲員工可能沽出手中持股，借機變現。不過Ivan就反駁話，啲高級合夥人嘅股票禁售期長達4、5年，低職級員工就可以一年後賣股，咁樣仲可以有助令流通量高過一半，盡快獲納入富時指數喎。