美國前財長保爾森（Henry Paulson）尋日應邀出席香港大學嘅《中美經濟發展前景座談會》，唔知係有心畀面抑或無意中「放風」，竟然話「握世界經濟協調之大勢者，惟北京與華府也！」若歐洲嘅盟友們聽到此話，唔知有何感想？
其實全球經濟嘅重心向東移，未來發展中經濟體嘅話事權大增係大勢所趨，但保爾森竟誇張到完全當歐洲列國冇到，唔通佢對於當年金融海嘯時，歐洲政客冷對其拯救行動嘅事件仍耿耿於懷？
當絲絲聽完保爾森之後嘅發言，就明白佢嘅心意。其實保爾森深明中國「愛面子」嘅性格，所以大讚中國一輪之後，又重複佢當年在任期間經常掛喺嘴邊嘅「痛恨貿易保護主義」、「開放匯率好處多」等老話。
講到尾，原來都係為美國做說客，想中國將人民幣升值囉，保爾森你都算蠱惑嘞！