尋日推介嘅達芙妮（00210）高見6.63元，最後收市仍升8.24%，報6.57元，表現唔錯，現已重上50日線，料短線有力再上。古晨見零售百貨股炒風未停，而且唔少二、三線百貨股追上，順勢揀隻新世界百貨（00825），尋日在交投大增下，升9.32%，收報6.45元。
傳聞話搞上市嘅周大福，雖然暫時未有任何消息落實公布，不過，以其業內翹楚嘅地位，古晨相信定價唔低，炒影子股效應下，新百貨一連兩支大陽燭向上，突破去年底至今的下降軌阻力，並已重上三條主要平均線，技術轉佳，而且「五一」黃金周將至，可成為股份向上催化劑，短線可吼位於6.2元附近上車，上望7.2元，跌穿5.9元止蝕。
古晨