萬科公關部最近證實咗王石會遠行美國。雖然王石辭任總經理，但仍會保留董事長兼董事會主席嘅職銜，睇嚟年屆60嘅佢真係實踐承諾，逐漸淡出萬科嘅日常運作，就連接受《南方人物周刊》訪問時，都冇提及樓市或房地產政策，只係風花雪月咁講自己玩帆船賽，喺大海漂浮3日。
關乎東方文化？
記者當然唔會咁輕易放過佢，問佢公司有冇接班人，王石就話呢個唔係中國企業家嘅問題，而係東方文化嘅問題；現代企業係講制度，有系統去監督，但東方文化講究人嘅權威及依賴，甚至要借道德去做決定，唔適合現代企業。吓？「叉」開話題去到咁遠，其實係咪有啲管理層唔係咁合你心意呀？
（余絲韻）