睇好內地中小民企
絲絲仲聽聞，原本盈豐只係計劃開8圍，但收到好多查詢話希望去聽有「新股女股神」稱號嘅劉央分享心得，從中取吓經，結果一加再加，到最後佢哋總共開咗17圍，比原定足足超出一倍有多，佢哋仲笑言下年再搞可能要喺紅館先得，睇嚟劉央嘅「粉絲」真係唔少。
講到投資策略，有20年投資經驗嘅劉央話睇好內地中小型民企，相信佢哋嘅盈利空間好大，尤其係一啲政策利好股，就以從事化妝品嘅半新股美即（01633）為例，話佢哋就嚟追得上名牌日本化妝品Shiseido咁話，而價錢又平6倍，未來嘅增長及回報都好大。絲絲冇記錯，劉總之前都講過話覺得美即嘅面膜好用過日本某名牌面膜，真係有少少硬銷Feel喎。
余絲韻