內容涵蓋核心業務
聽聞呢個遊戲係由法巴嘅「賓卡」設計，玩法好簡單，喺二月十四日至三月十五日內，每組3人嘅參賽隊伍登入指定嘅網站，進入一個叫Universe-City嘅虛擬世界，協助舉辦新一屆大滿貫網球賽，將比賽發展為國際賽事以及拓展可持續發展嘅城市。
絲絲收到風，「Ace Manager」比賽嘅遊戲內容涵蓋零售銀行、資產管理同埋企業及投資銀行呢三大核心業務。
獲得冠、亞、季軍嗰三隊，法巴仲畀機會佢哋去集團三大核心業務嗰度實習，再加埋有成1,500至9,000歐元嘅獎金以及網球賽門票做獎品，難怪反應咁熱烈啦。不過絲絲就冇份參與嘞，事關參加者要係本科生或碩士生。
余絲韻