曾去試鏡被指唔掂
調任Google主席後，施密特對Google日常業務運作嘅參與自然會減少，亦即係話佢有大把時間做自己有興趣嘅事。紐約嘅報章就引述消息話，施密特目前正與CNN嘅監製磋商，密謀製作一個由佢親自主持嘅電視清談節目，之不過呢個節目最終做唔做得成仍有好多變數。
有知情者爆料話，施密特早喺去年八月已去過CNN試鏡，佢當時嘅表現「對電視製作人嚟講係一場災難」。
施密特退任Google行政總裁將可以先賺一筆，事關Google已計劃向佢授予總值1億美元嘅股權獎勵，作為佢退任行政總裁嘅酬金！
（余絲韻）