中國木業（00269）因獲李嘉誠入股，股價連日急升，連帶中聚雷天（00729）亦開始受到市場關注，昨日股價升3%，收報1.02元。中聚雷天去年獲超人入股後，最高曾升至2.7元，但因中期業績勁蝕逾10億元，拖累股價急挫至0.78元。由於貼近超人入股水平，故惹來資金趁低吸納，股價上月尾試過單日急升三成。
集團目前主業是生產電動汽車用的鋰電池，完全符合電動車同環保能源嘅發展趨勢，中期業績不濟，主要係因購併作出一次性商譽減值，以及專利使用權攤銷所致，實質核心業務其實已錄得不俗盈利。
近日超人一系動作多多，除入股中木外，又分拆碼頭業務於星洲以信託形式上市，仲有計劃發行人仔REIT等，一眾家族成員股價先後炒起，但中聚雷天仍處低水平，昨日升勢相信只屬熱身，升番舊年跌幅嘅一半，都已可見1.7元樓上，保守一啲，短炒目標睇1.5元，止蝕位0.9元。
詩詩