為3位公子樹榜樣
日理萬機嘅佢當日決定讀書都需要有足夠理由，博士話首先係為咗佢3位讀書都好叻嘅公子，佢擔心3位公子因讀書成績優異而自滿，希望以身作則話畀佢哋知，即使學有所成都要終身學習；另一個原因當然係為公司喇，CEO學多啲對公司點都有益；最後就係為自己，原來梁博士諗住退休後到大學工作，繼續貢獻社會，有需要有一個博士銜頭襯托吓。
不過，梁博士回想過去3年讀書嘅生活一啲都唔易，例如要將上堂及工作時間協調都係一個學問，更重要係平衡與家人相處嘅時間，好似佢咁，雖然選擇放棄與太太學跳舞呢個節目，但盡量每周都會與太太睇場戲，睇嚟如何安排時間一樣都要終身學習。
（余絲韻）