港股調整兩日後又再發力，仍屬大漲小回格局。現代產業環環相扣，去年的「家電下鄉」政策，除家電生產商受惠外，周邊產業同樣得益，只是未必為市場所留意。中國海景（08065）前日發盈喜，預期截至去年底止之年度盈利，將較○九年大幅增加，正是受惠於經濟復甦及家電下鄉政策。
如淨係睇公司名，或會以為集團經營酒店或地產業務，但其實主業係產銷泡沫塑料及蜂窩紙包產品，並提供綜合包裝解決方案，簡單講即係新電器包裝必備嘅發泡膠。集團在內地具領導地位，電器賣得愈多，對其產品需求亦愈大。
受盈喜刺激，昨日中國海景股價升2.4%，收報0.85元。睇番首三季盈利同比上升59.4%至7,045.8萬元，即使保守假設全年只賺8,000萬元，市盈率只約6.5倍。集團上月以先舊後新配售9,687萬股，配股價0.87元，現價仲未上番，預期後市仍大有向上空間，目標1元，止蝕0.78元。
詩詩