瑞銀今年上半年僅有6宗新股上市保薦紀錄，表現可以用「慘淡」嚟形容，到七月份「蔡總」宣布跳槽去德銀，下半年又缺席埋今年兩大新股友邦（01299）及農行（01288）承銷團，更甚者係全年都未做過一隻百億新股「大刁」，你都咪話唔悽慘。
年做107宗股本融資
不過，瑞銀喺下半年變陣實行以量取勝，好似四環（00460）及博士蛙（01698）集資額唔多，但反應夠好可以行使晒超額配股權「賺到盡」，加上成功打入工行（01398）及中行（03988）供股承銷團，埋單計數，瑞銀全年做咗107宗股本融資，大幅拋離第2位高盛嘅77宗，但集資總額就只有257億美元，僅勝過高盛嘅239億美元。
余絲韻