溫馨提示各項要點
絲絲好多朋友上車買樓之後，對申請按揭都仲係一知半解，補交文件隨時都要補幾次，搞到拖慢晒申請。今次渣打香港都係針對新進業主，搵王祖藍拍短片扮「專業版」嘅天氣先生，講解申請按揭貸款流程，仲畀埋「溫馨提示」，提醒客戶申請時要留意啲乜，當然唔少得要搵佢哋嘅按揭專員問吓意見啦。
近期好多銀行都喺自己網站播短片，渣打香港各個業務都做足晒，單係按揭就更加拍咗十幾集，一個唔覺意隨時以為自己入錯咗YouTube。
渣打香港今次請埋祖藍為申請按揭教路，加上管理層好似拍連續劇咁教大家點樣用各項嘅銀行服務，要好玩又得，專業又得，真係好睇過齋賣電視廣告。
余絲韻