銀色硬殼箱藏設備
老友同絲絲講，世達一班管理層以及「賓卡」近排喺新加坡做緊Roadshow，話說世達其中一個主打產品等離子照明燈（Plasma Lighting）因為要配埋發電設備，所以就用咗個銀色嘅硬殼行李箱，但咁啱當地有個投資者就以為係用嚟保管鑽石嘅保險箱，猛咁問點解帶粒鑽石嚟，搞到管理層要解釋一大輪。
其實有時好多上市公司經常要去世界各地做吓推介，不過各地嘅文化唔同，所以會產生唔少誤會。
好似絲絲曾經聽講今年時近「九一一」嗰陣，華爾街戒備森嚴，有上市公司高層喺進入一啲重要商廈時，甚至要「剝光豬」畀人搜身，你都咪話唔煩。
余絲韻