繼劉翔之後，平保（02318）又再請代言人，今次仲要唔係一個，而係打孖上，搵嚟影帝葛優以及喺《趙氏孤兒》入面同佢合作嘅女演員海清，一齊做保險業務嘅代言人，平保希望借助佢哋親民嘅形象，加強與客戶嘅溝通。
喺廣告入面，葛優會用佢嘅經典「光頭Look」出現，講番「買保險就是買平安」呢句經典嘅「食字」宣傳口號。對於雙方嘅合作，平保話覺得葛優係當今中國最好嘅演員之一，個人形象正面、親民及隨和；而海清嘅演出就個性十足，佢喺電視劇《蝸居》內飾演郭海萍呢個角色，令人留低咗深刻印象，平保希望借助佢哋嚟演繹產品優惠實在嘅特質。
葛優及海清就話平保係一家充滿活力及有遠大抱負嘅企業，好高興大家可以合作咁話。
除咗葛優、海清及劉翔之外，平保以前都搵過王楠、王勵勤、唐國強、王石等人做佢哋嘅代言人。
余絲韻
